Tillaga að nýju deiliskipulagi við Rauðagerði var auglýst á tímabilinu 24. febrúar - 7. apríl 2026

Þrjár umsagnir bárust frá umsagnaraðilum varðandi málið en engin þeirra gerir athugasemd við deiliskipulagið.

Fyrirspurn hefur borist frá lóðarhöfum við Boðaslóð 7 um að byggingarreit bílskúrs verði breytt og hann færður í lóðarmök við Boðaslóð 5 en samkomulag hefur náðst milli lóðarhafa um staðsetningu bílskúrsins í lóðarmökum.

Tillaga að breyttu Aðalskipulagi Vestmannaeyja 2015-2035 vegna breytingar á skilgreiningu landnotkunarreits Athafnasvæðis AT-2 í iðnaðarsvæði I-4 og breytingu á mörkum svæðisins var auglýst á tímabilinu 4. febrúar - 18. mars 2026.

Fjórar umsagnir bárust vegna málsins frá umsagnaraðilum. Þrír umsagnaraðilar gera ekki athugasemd. Náttúrufræðistofnun bendir á að þó að landnotkunarreiturinn sem um ræðir tilheyri svæði sem sé á náttúruminjaskrá sé land innan reitsins þegar mikið raskað. Þar sem mörk svæðisins munu ná að hverfisvernduðu svæði HV-6 og til stendur að lækka svæðið sé mikilvægt að huga að því að skeringar valdi ekki raski á hverfisvernduðu svæði. Stofnunin bendir einnig á að svæðið sem um ræðir blasi við þeim sem ganga á Eldfell og Heimaklett og að því sé mikilvægt að frágangur og umgengni á svæðinu verði til fyrirmyndar.

Fyrir bæjarráði lágu drög að tímalínu vegna vinnu við fjáhagsáætlun 2027. Tímalína er hluti af forsenduskjali við vinnu áætlunarinnar.

Lagður fyrir til samþykktar viðauki 3 að upphæð 50 milljónir króna vegna framkvæmda við sundlaug. Um er að ræða fjárfestingarviðauka sem fjármagnaður er með handbæru fé.

Lagður fyrir til samþykktar viðauki 4 að upphæð 275 milljónir króna. Um er að ræða fjárfestingarviðauka sem fjármagnaður er með handbæru fé.

Tekið fyrir mál sem vísað var til bæjarráðs af 335. fundi framkvæmda- og hafnarráðs. Um er að ræða útboð á viðbyggingu við íþróttahúsið. Ráðið samþykkti tilboð lægstbjóðanda sem er Steini og Olli ehf.

Umrædd viðbygging er nauðsynlegt viðhald á íþróttahúsi og hluti af framtíðarsýn um uppbyggingu íþróttamannvirkja. Um er að ræða endurnýjun á klefum sem ekki eru aðeins hluti af skólahúsnæði heldur einnig fyrir aðra notendur hússins.

Drög að samningi milli Vestmannaeyjabæjar og Lauga ehf. vegna uppbyggingar og reksturs heilsuræktar við Íþróttamiðstöðina lögð fram til staðfestingar.

Farið yfir niðurstöðu kærunefndar útboðsmála er varðar kæru útboðsskilmála og kröfu um samningsstöðvun vegna útboðs um uppbyggingu og rekstur heilsuræktar við Íþróttamiðstöðina. Kröfu kærenda var hafnað.

Ægisgata 2 (2. og 3. hæð) var sett í söluferli 16.febrúar sl. og óskað eftir tilboðum með fresti til 20. mars. Engin formleg tilboð bárust í eignina innan tilskilnings frests. Bæjarráð samþykkti á fundi sínum þann 25. mars að halda eigninni í auglýsingu. Nú hefur tilboð borist í eignina sem bæjarráð fór yfir. Tilboðið hljóðar upp á 480 milljónir króna.